فجأة قررت أكتب مذكراتي ... اسمي؟ ... مش مهم اسمي ايه ... المهم أنا مين وحاسس ايه ... عمري؟ ... برضه مش مهم عشت قد ايه ... المهم استنيتك قد ايه ... وحاحبك لحد امتى
ابتديت أكتب مذكراتي عشان مش عارف أنام من غير ما أفكر فيكي ...قلت أكتب
مذكرات وقصص حب في عينيكي ... فاكرة أول مرة شفتك وحبيتك . ..كنتِ صغيرة قوي
... وشقية رغم براءتك ...;كام مرة سهرنا ...حكينا حكايات على البحر ...في أيام كنت بحب اخوفك عشان أحس بإحتياجك ليَّ … وأيام كنت بغنيلك واقول شعر فيكي … قعدت كتير أكلم الناس عليكي . ..مع إني شفتك مرتين بس!
وحبيتك في المدرسة ... في اكثر من فصل ... في أكتر من دفعة ... بأكثر من شكل
... وبأكثر من اسم!
مرات حبتيني ... و مرات حبيتي غيري ... وغيري ... وغيري.
طول عمري بحبك ...بشعرك الأسود ...الذهبي ..الطويل ...الناعم ...القصير ... الغجري المجنون
كنت بأحب طولك وأنتي واقفة جنبي ... وقُصرِك وأنتي خايفة تعدي الشارع وبتتحامي
فيا! ...كنت مستعد أتخبط عشانك ... وأتخانق عشانك
فاكر لما كنت باذاكرلك ... ولما كنتِ بتخطفي حاجتي وتخبيها مني ... ولما تقلوليلي أوقف تاكسي عشان يوصلك
كل ده وكان نفسي تشوفيني ... تحسي بإعجابي من بعيد ... كان نفسي حتى أعرف اسمك إيه!
معرفش اتقابلنا قبل كده ولا لأ … طب تفتكري ممكن أقابلك في يوم من الأيام؟ ... ولا
اتكتب عليا أدور عليكي في وش كل بنت حلوة جاية قصادي؟ ... حاتضحكيلي أول
ماشوفك؟ ... ولا حاتتكسفي مني؟ ... دأنا بحبك طول عمري ... بقى فيه كسوف بنا؟!
أنا كل يوم حاقعد قدام النيل ... في المكان إللي أنا شايفه أكتر مكان يناسبنا ...ويناسب قصة حبنا الطويلة ... أكيد حاتحسي بالمكان لوحدك ... حاتعرفيه بقلبك ... لما ييجي اليوم اللي مكتوبلنا فيه نتقابل . ..تعالي أقعدي جنبي ... من غير كلام ... مش حاكلمك ... مش حالومك على التأخير ... ومش حاحكيلك كل اللي فات وانا مستنيكي ... خذي دفتر المذكرات ده اقريه ... أو أقولك ... ضميه في صدرك وحسي اللي فيه.
وقربي جنبي ... كتفك في كتفي ... وتعالي نشوف القمر سوى ... ونشوف شروق
الشمس سوا ... وبعدين ابصلك ... أحَلي بجمالك بعد جمال منظر الشروق ... وأخدك
ونمشي ...نعوض السنين إلي استنيتك فيها وماجيتيش ... ويا عالِم لو آنتِ جاية ...
ولا حاموت شهيد في ملحمة العبور لشطِك ... أو أسير مات من جوعه لحبك ... أو
راهب علم وجدوه ميت في مكتبة زاخرة بمخطوطات بتدور على مكانك واسمك ... اهو
يوم كمان فات وأنا مستنيكي ... والنيل زاد دمعتين وانا بأحلم بيكي ... الوقت أخدني في الكتابة ... و ... إيه دا؟ ... أنتِ لسه موصلتيش؟
مكتبتي اتملت دفاتر مذكرات ... وقلبي مليان أحلام … والسنين بتعدي … والناس بتعدي من حواليا … أكيد حفظوا قعدتي هنا ... أكيد فاهمين إني قاعد مستنيكي … أكيد نفسهم يعرفوا . .. بس أنا أكتر منهم بكتير نفسي أعرف .. جاية امتى؟ ... وياترى ..... اسمك ايه؟
23/06/2009
woooooooow ya Mahmoud
ReplyDeletesooo touching..
so innocent
so real
so 7agat ketira awiiiii
estamerrrr =)
geeeeeeeeeeeeeeeeeeeeeeeeeeeeeeeeeeeeeeeeeeeeeeeeeeit 3al gar7 :))))))))))) I do have the same takhareef
ReplyDeletea7la 7etat:
حالومك على التأخير ... ومش حاحكيلك كل اللي فات وانا مستنيكي
أو أسير مات من جوعه لحبك ... أو
راهب علم وجدوه ميت في مكتبة زاخرة بمخطوطات بتدور على مكانك واسمك ... اهو
يوم كمان فات وأنا مستنيكي ... والنيل زاد دمعتين وانا بأحلم بيكي ... الوقت أخدني في الكتابة ... و ... إيه دا؟ ... أنتِ لسه موصلتيش؟
أكيد نفسهم يعرفوا . .. بس أنا أكتر منهم بكتير نفسي أعرف .. جاية امتى؟ ... وياترى ..... اسمك ايه؟ this is the best part ever
ma3 3adam e3gaby be 7ettet ennohom yo3odo yebosso lel 2amar, we 7ettet enno mat shaheed we 3am le barr el sharaf di walla eh :p
esm el qessa kaman 7elw awy, fakkarny be "7ad 3ayez alb fady, alb tayeb alb hady". el song di one of my favorites too